Khua gĭt gai Tập Cận Bình kiă kriê knăm drông khua gĭt gai Tô Lâm
Thứ ba, 08:38, 20/08/2024
VOV TAYNGUYEN
VOV TAYNGUYEN
VOV4.Êđê- Aguah mbrue 19/8, ti ƀuôn prŏng phŭn Bắc Kinh, Khua gĭt gai China Tập Cận Bình lehanăn mô̆ ñu kiă kriê leh knăm drông khua gĭt gai Tô Lâm lehanăn mô̆ gơ̆ nao čhưn gưl lăn čar truh kơ ala čar China mơ̆ng hrue 18/8 - 20/8/2024.
Đảng, Knŭk kna China mkŏ mjing leh knăm prŏng hĭn drông khua gĭt gai Tô Lâm mbĭt hŏng mô̆ ñu lehanăn êpul khua prŏng lăn čar drei. Klei nao čhưn mơ̆ng khua gĭt gai Tô Lâm jing yuôm bhăn hlăm bruă bi mguôp dua ala čar kñăm lŏ mđĭ lehanăn hyuă kjăp hĭn jih jang bruă bi mguôp dua ala čar hlăm wưng tinăp, tui tiŏ hdră êlan jăk hĭn, bi lar jih truh hŏng djăp knơ̆ng dhar bruă, hlăm ai êwa bi đru, ngă bruă bi tŭ jing.
Mơ̆ng klei anei čang hmăng srăng mâo pŏk sa gưl mđĭ kyar prŏng hĭn kơ klei bi mguôp riêng gah sĭt suôr, kluôm dhuôm, bi đru djăp mta plah wah Việt Nam - China mâo hdră êlan yuôm bhăn mtrŭn agha êlam hĭn./.
Viết bình luận