Ti knăm anei, Khua mil čhil Ireland mñă leh kơhưm lehanăn bruă klam mơ̆ng Việt Nam ti krĭng Asi – Pacifik, mñă dua ala čar mâo lu klei msĕ hlăm hdră kdơ̆ng mblah sua wĭt klei êngiê kơ djuê ana lehanăn amâo mâo ya bruă dua ala čar amâo bi trông, bi hgŭm bruă.

Hlăm hdră bi trông, dua tĭng bơ̆k bâo leh kơ bruă răng mgang klei êđăp ênang ti Ukraine, Msăt boh lăn, iêu mthưr dŭm tĭng răng mgang mnuih ƀuôn sang, mkŏ mjing klei bi blŭ hrăm, msir mghaih klei amâo thâo bi djŏ hluê hdră êđăp ênang, mpŭ kơ hdră bhiăn tar rŏng lăn lehanăn Hdră bhiăn phŭn mơ̆ng Êpul hgŭm lu ala čar, tŭ ư mđĭ hdră bi hgŭm ti dŭm anôk bi kƀĭn trông lu tĭng msĕ si ASEAN-EU, Êpul hgŭm lu ala čar hlăm djăp mta ra bruă./.