Khua gĭt gai bi mni kơ boh tŭ mơ̆ng Anôk bruă bi ala lehanăn dŭm anôk bruă djŏ tuôm hlăm klei hluê ngă dŭm bruă klam mơ̆ng Đảng, Knŭk kna jao, čih yap dŭm klei gĭr, klei hgŭm mguôp, jih ai tiê kơ bruă, mơ̆ng anăn đru mguôp hlăm hdră mđĭ kyar mơ̆ng Cuba lehanăn klei bi mjĕ dua ala čar. Sa blư̆ dơ̆ng mñă, klei bi hgŭm mguôp jăk siam, klei hgŭm bruă kluôm dhuôm Việt Nam – Cuba amâo mdei dưi bi kjăp lehanăn mđĭ kyar hlăm djăp mta ra bruă, phung khua dua Đảng, dua knŭk kna lu blư̆ mñă kơ klei bi mjĕ dua ala čar jing “Êdah êdi plah wah dua ala čar yang ƀuôn ngă phŭn”, “bi êdah kơ ênuk ară anei”.

Khua gĭt gai brei thâo, gưl hiu čhưn Cuba tal anei kñăm mñă Đảng, Knŭk kna lehanăn mnuih ƀuôn sang Việt Nam bi myuôm êdi klei bi mjĕ hgŭm bruă jăk siam, boh nik klei bi hgŭm mơ̆ng dua Đảng, dua Knŭk kna lehanăn dua djuê ana, čang hmăng dưi mđĭ kyar kjăp hĭn lehanăn mđĭ kơhưm klei bi mjĕ Việt Nam – Cuba hlăm wưng mrâo./.