Khua Anôk bruă kƀĭn ala Amarbayasgalan bi mni kơ gưl hiu čhưn ti Mông Cổ mơ̆ng Khua gĭt gai Tô Lâm, đăo knang gưl hiu čhưn srăng đru mđĭ hĭn klei bi mjĕ “Ƀĭng hgŭm kluôm dhuôm Việt Nam - Mông Cổ”, mñă anei jing tur knơ̆ng čiăng mtrŭt mđĭ kyar klei bi mjĕ hgŭm bruă plah wah dua ala čar hlăm wưng ti anăp. Dua tĭng bi mni kơ klei bi mjĕ hgŭm bruă plah wah Anôk bruă kƀĭn ala dua ala čar dôk đĭ kyar pral.

Dua tĭng tŭ ư pŏk ngă tŭ dưn, kluôm mta phŭn Klei kuôl kă hgŭm bruă mâo bi mklă leh mơ̆ng Anôk bruă kƀĭn ala dua ala čar thŭn 2018, mđĭ hĭn bruă klam mơ̆ng anôk bruă čih mkra hdră bhiăn dua ala čar hlăm hdră mtrŭt mđĭ klei bi hgŭm bruă duh mkra dua ala čar đĭ kyar klă sĭt, tŭ dưn, djŏ guôp hŏng Klei bi mjĕ ƀĭng hgŭm kluôm, mkŏ mjing lehanăn mtrŭt dŭm anôk bruă duh mkra dua ala čar nao hgŭm hlăm hdră mtrŭt mđĭ bruă mnia mblei./.