Ti anôk bi tuôm, Khua gĭt gai Tô Lâm mâo klei lač jăk kơ khua mil čhil Mi Biden kyua mơĭt leh asăp bi juh hlăk Khua gĭt gai Nguyễn Phú Trọng djiê, lehanăn lač jăk kơ knŭk kna Mi kah leh hŏng mnuih ƀuôn sang Việt Nam găn angĭn êbŭ Yagi leh êgao.

Dua čô khua gĭt gai anei bi êdah klei mơak ti anăp dŭm boh tŭ dưn mâo leh hlăm sa thŭn êgao mâo klei bi hgŭm kluôm dhuôm, djŏ guôp hŏng klei čiăng mơ̆ng dua ala čar, đru krơ̆ng kơ klei êđăp ênang, hơĭt kjăp lehanăn bi hgŭm mđĭ kyar hlăm alŭ wăl lehanăn tar rŏng lăn, hlăm anăn dôk hlăm klei bi hgŭm ASEAN, klei bi hgŭm Mekong-Mi, APEC, Êpul hgŭm lu ala čar... mđĭ hĭng klei bi blŭ hrăm hlăm djăp mta, tui duah nanao hdră êlan êđăp ênang, hơĭt kjăp, hgŭm mbĭt mđĭ kyar ti alŭ wăl lehanăn hlăm tar rŏng lăn./.