Ti anôk bi tuôm hŏng Khua mil čhil Bungari, Khua gĭt gai Tô Lâm mñă, Việt Nam dlăng myuôm lehanăn čang hmăng mđĭ hĭn klei bi mjĕ hgŭm bruă hŏng Bungari hlăm djăp mta ra bruă; mñă Việt Nam mpŭ lehanăn hdơr nanao klei đru mơ̆ng mnuih ƀuôn sang Bungari hŏng Việt Nam hlăm hdră kdơ̆ng mblah sua wĭt klei êđăp ênang, hnŭk êngiê êlâo adih lehanăn mkŏ mkra ala čar hruê anei.

Bi tuôm hŏng Khua mil čhil Phần Lan Alexander Stubb, Khua gĭt gai lač jăk kơ Knŭk kna lehanăn mnuih ƀuôn sang Phần Lan đru leh kơ Việt Nam hlăm wưng dleh dlan êlâo adih lehanăn ƀrư̆ ƀrư̆ mđĭ kyar, ăt msĕ mơh mơĭt asăp čuă êmuh, mđĭ ai mnuih ƀuôn sang Việt Nam msir mghaih klei truh jhat mơ̆ng angĭn êbŭ mrô 3 leh êgao. Ti anôk bi tuôm hŏng Anak mtao Kuwait Sheikh Sabah Al-Khaled Al-Sabah, Khua gĭt gai Tô Lâm mtă kơ dua tĭng lŏ dơ̆ng bi trông êpul gưl dlông lehanăn dŭm gưl, pŏk ngă tŭ dưn klei bhiăn hgŭm bruă. Việt Nam mprăp kkuh drông dŭm anôk bruă duh mkra Kuwait mđĭ hĭn hdră duh bi liê hlăm Việt Nam./.