Khua gĭt gai Tô Lâm mñă klă, gưl ngă bruă tal anei mơ̆ng êpul jing yuôm bhăn êdi čiăng hluê ngă hdră êlan hŏng tač êngao mơ̆ng Đảng leh anăn knŭk kna, truh kơ ară anei dưi mâo mă dŭm boh tŭ dưn, đru hlăm klei đĭ kyar mơ̆ng lăn čar, bi êdah hdră êlan hŏng tač êngao êngiê, ngă phŭn, đru mguôp hlăm bruă rơ̆ng klei êđăp ênang, hơĭt kjăp leh anăn đĭ kyar mbĭt mơ̆ng tar rŏng lăn.

Khua gĭt gai mñă klă, Mi jing sa hlăm dŭm anôk kñăm mơ̆ng hdră êlan hŏng tač êngao Việt Nam leh anăn jing anôk mnia mblei mâo klei găl hŏng dŭm anôk bruă duh mkra hlăm lăn čar. Bruă mđĭ hĭn klei mjĕ giăm kluôm dhuôm đru ba klei mjĕ giăm dua ala čar klă sĭt hĭn, nao êlam hĭn hlăm djăp mta bruă, mơ̆ng bruă kđi čar, duh mkra mnia mblei, truh kơ klei êđăp ênang, bruă lĭng kahan.