Khua gĭt gai Tô Lâm bi êdah klei mơak anăp klei đĭ kyar jăk siam plah wah dua ala čar, mñă klă Việt Nam mđing kơ klei bi mguôp, bi mjĕ mjuk plah wah dua Đảng, dua ala čar lehanăn mnuih ƀuôn sang dua ala čar.

Khua gĭt gai Tô Lâm lač jăk asăp jak iêu nao čhưn gưl Knŭk kna truh kơ Cuba mơ̆ng Khua gĭt gai Miguel Diaz-Canel, bi êdah klei čang hmăng gưl hiu čhưn srăng bi kjăp klei đăo knang, hyuă kjăp hĭn klei bi mguôp plah wah dua djuê ana, mđĭ boh tŭ hdră bi hgŭm, ba klei bi mjĕ Việt Nam – Cuba mŭt hlăm wưng mrâo, đĭ kyar klă sĭt, hơĭt kjăp hĭn. Pô bi ala Orlando Nicolas Hernandez Guillen bi êdah klei mgei ai tiê dưi lŏ bi tuôm hŏng Khua gĭt gai Tô Lâm êlâo kơ gưl hiu čhưn kruăk hƀuê ênuk mơ̆ng dua ala čar; mñă klă Đảng, Knŭk kna lehanăn mnuih ƀuôn sang Cuba tui ksiêm lehanăn bi mni kơ boh tŭ mơ̆ng giăm 40 thŭn mlih mrâo hŏng klei gĭt gai mơ̆ng Đảng Cộng sản Việt Nam hŏng hdră kiă kriê mơ̆ng Khua gĭt gai Tô Lâm.