Khua gĭt gai Tô Lâm mñă ktang, bruă mgaih msir boh jhat mơ̆ng angĭn êbŭ Yagi jing bruă mjêč hlăm hruê kăm anei leh anăn kluôm bruă kđi čar čiăng mđing tal êlâo hĭn. Phŭn bruă kđi čar, Êpul khua bruă Đảng hrăm mbĭt hŏng dŭm anôk bruă, alŭ wăl, dŭm gŏ sang leh anăn mnuih ƀuôn sang mâo klei hmăi mơ̆ng angĭn êbŭ, mbĭt anăn pah mni knŭk kna, Khua knŭk kna, êpul lĭng kahan, kahan ksiêm, dŭm phŭn, dhar bruă tiŏ nao mnuih ngă bruă bi mdrơ̆ng mơ̆ng hnưm, mơ̆ng kbưi hŏng angĭn êbŭ mrô 3.

Bơ̆k bâo kơ dŭm bruă srăng ngă mtam, Khua gĭt gai Tô Lâm mñă kơ dŭm gưl bruă, dhar bruă hluê ngă dŭm hdră êlan mgaih msir boh jhat mơ̆ng angĭn êbŭ. Hlăm anăn, lŏ dơ̆ng tiŏ nao êpul ngă bruă tui duah đru dŏng mnuih ƀuôn sang dôk ktlah hjăn amâodah luč, yua kdrăp mrâo mrang hĭn čiăng nao truh ti dŭm anôk ktlah hjăn, anôk mnuih luč kyua êa lip lêč.