Hlăm dŭm thŭn êgao, klei mjĕ giăm bruă kđi čar, bruă hŏng tač êngao, klei bi hgŭm dưi đĭ kyar jăk siam, bi êdah hŏng dŭm gưl nao čuă gưl dlông, klei bi trông êpul dŭm gưl mơ̆ng khua gĭt gai dua ala čar.

Dua ala čar bi klă lu klei kuôl kă hlăm dŭm bruă bruă mơ̆ng bruă kđi čar, bruă hŏng tač êngao, duh mkra mnia mblei, duh bi liê, bruă lŏ hma, kan hdang, kdrăp mrâo, dang kông, bruă mdrao mgŭn, mtô mjuăt bi hriăm, dhar kreh, bruă lĭng kahan, ngăn prăk, bi mguôp gưl čar… mkŏ mjing klei găl kơ dŭm phŭn, dhar bruă pŏk mlar klei bi mguôp. Leh knăm drông, Khua gĭt gai Tô Lâm leh anăn Khua mil čhil Mozambique mâo klei bi tuôm leh anăn ba anăp êpul gưl dlông dua ala čar ngă klei blŭ hrăm, bi klă boh tŭ klei bi mguôp plah wah dua ala čar hlăm wưng êgao leh anăn ba mdah dŭm hdră êlan bi mguôp hlăm wưng kơ anăp.