Lač kơ dŭm bruă čuăn, hdră mă bruă truh thŭn 2025, Khua gĭt gai Tô Lâm mta leh kơ bruă Đảng kahan gưl dlông, Phŭn bruă lĭng kahan ngă jăk dŭm bruă kăp kčĕ kơ Đảng, knŭk kna hlăm bruă lĭng kahan, bruă răng mgang klei êđăp ênang, lŏ dơ̆ng mâo klei ksiêm duah, thâo tĭng knăl, mâo mtam hdră êlan pral mghaih msir ya mta boh klei hlăm klei kdjăt. Bi hgŭm hlue nga hdră mtrŭn gưl dlông 8 gưl 13 kơ bruă răng mgang lăn čar hlăm boh klei mrâo, jih jang hdră êlan kơ bruă lĭng kahan.

Čŏng bi ksiêm duah, mâo mtam dŭm hdră êlan djŏ hŏng klei bhiăn hlăm bruă lĭng kahan, bi năng hŏng bruă răng mgang lăn čar ti anăp ară anei lehanăn ba kơ êdei anăp. Khua gĭt gai Tô Lâm tă êlan klă mngač kơ bruă lĭng kahan, mđrăm mbĭt hŏng mnuih ƀuôn sang, mâo mnuih ƀuôn sang bi blah răng mgang lăn čar hlăm boh klei mrâo, mdưm mnuih ƀuôn sang jing knơ̆ng, ngă bruă tŭ jing, klei knŭk kna kiă kriê bruă răng mgang lăn čar ti jih jang djăp gưl./.