Hlăm hră mơĭt, Khua gĭt gai Đảng mơĭt truh kơ phung hđeh Việt Nam hlăm lehanăn êngao ala čar, phung hđeh ala tač êngao dôk ti Việt Nam klei khăp sĭt suôr, hơuh mđao hlăm wưng Têt trung thu, Têt phung hđeh. Lehanăn, čang hmăng grăp wưng Têt trung thu srăng jing mnĭt mmông yuôm bhăn hŏng phung hđeh. Khua gĭt gai Đảng ăt mơĭt asăp bi juh truh hŏng phung hđeh krĭng êa lip lêč: “Trung thu thŭn anei amâo dưi kluôm ênŭm kyua yan adiê ngă ba lu klei truh kjham hŏng lu gŏ sang, alŭ ƀuôn.

Lu phung hđeh djiê kyua klei truh, lu phung hđeh amâo lŏ dôk ôh gŏ sang, găp djuê, luič pưk sang, hdĭp hlăm klei dleh dlan. Kâo čiăng mơĭt asăp bi juh truh kơ gŏ sang, găp djuê, phung hđeh tuôm hŏng klei truh mơ̆ng gưl yan hjan angĭn êbŭ anei lehanăn čang hmăng jih jang drei srăng dưi hgao klei dleh dlan, luič liê anei. Hŏng phung hđeh ti krĭng êa lip, kâo mtă kơ jih jang brei mđing răng kơ klei êđăp ênang êjai hriăm hră, hlăp čhưn. Đăm nao ôh ti anôk huĭ hyưt, amâo hlăp lêñ giăm hnoh êa, êa krông, hdơr nanao klei nai mtô mtă čiăng răng mgang pô lehanăn ƀĭng găp”./.