Klei hưn mơ̆ng Phŭn bruă hŏng tač êngao Việt Nam brei thâo, mơ̆ng hruê 21 – 27/9/2024, Khua gĭt gai Tô Lâm leh anăn mô̆ ñu mbĭt hŏng êpul bi ala gưl dlông Việt Nam srăng nao hlăm klei kƀĭn trông gưl dlông kơ Êdei anăp, Êpul gơ̆ng prŏng Êpul hgŭm lu ala čar gưl 79, mă bruă ti Mi.

Leh kơnăn, Khua gĭt gai Tô Lâm srăng mâo klei nao čuă gưl knŭk kna truh kơ Cuba hluê si klei iêo jak mơ̆ng Khua lăn čar Cuba Miguel Diaz Canel Bermudez. Hluê si pô blŭ bi ala Phŭn bruă hŏng tač êngao Việt Nam Phạm Thu Hằng, mĭn tĭng, khua gĭt gai Tô Lâm srăng mâo klei blŭ hrăm hlăm klei kƀĭn trông gưl dlông kơ Êdei anăp, Êpul gơ̆ng prŏng Êpul hgŭm lu ala čar gưl 79 leh anăn mâo dŭm klei bi tuôm dua nah nah êngao dŭm hdră mă bruă ti New York, ala čar Mi.