Blŭ hrăm hlăm knăm mphŭn pŏk, Khua gĭt gai Tô Lâm mñă kơ sang hră hyuă kjăp, hluê ngă tŭ dưn dŭm hdră êlan, klei mĭn mơ̆ng Đảng čiăng mlih mrâo kluôm bruă mtô mjuăt bi hriăm nao mbĭt hŏng bruă răng mgang lăn čar hlăm wưng mrâo, đru mđĭ hnơ̆ng tŭ jăk êpul knuă druh mơ̆ng Đảng, knŭk kna, êpul lĭng kahan hlăm wưng mrâo.

Hlăm anăn, Sang hră srăng bi êdah klă jing anôk bruă nao êlâo hluê ngă dŭm asăp mtrŭn, hdră mtrŭn, klei bi klă mơ̆ng Đảng kơ mlih mrâo bruă mtô mjuăt bi hriăm, bruă lĭng kahan, răng mgang klei êđăp ênang. Mbĭt anăn mlih mrâo ktang phĭt hdră mtô, mta phŭn, hdră êlan mtô mjuăt bi hriăm, kiă kriê sang hră hŏng êlan mrâo mrang hŏng hdră “Hnơ̆ng tŭ jăk mơ̆ng sang hră jing ai dưi mprăp kơ klei kdơ̆ng mblah mơ̆ng anôk bruă.”