Aguah mbrue, hlue di mông alŭ wăl, klei bi kƀĭn gưl dlông kơ êdei anăp pŏk leh ti anôk bruă Êpul hgŭm lu ala čar ti New York, ala čar Mi mâo lu phung khua kiă kriê gưl dlông dŭm ala čar, êpul bruă lehanăn alŭ wăl, mbĭt hŏng dŭm êpul bruă êngao knŭk kna, phung kreh knhâo, anôk bruă ngăn prăk, lehanăn phung duh mkra. Khua gĭt gai Tô Lâm djă akŏ êpul khua prŏng ala čar drei nao ti anôk bi kƀĭn.  Blŭ hrăm ti anôk bi kƀĭn, Khua gĭt gai Tô Lâm brei thâo, Việt Nam bi mni kơ dŭm klei leh mâo bi mklă mơ̆ng klei bi kƀĭn lehanăn čang hmăng hŏng dŭm hdră êlan mâo srăng dưi hlue ngă hŏng klei jăk.

Việt Nam čang hmăng kơ êpul hgŭm lu ala čar hŏng bruă klam jing knơ̆ng, kiă kriê jih jang êpul bruă, lŏ dơ̆ng tŭ mă klei blŭ đru kčĕ ngă bruă ktang hĭn kăp gang mkhư̆ djăp mta klei amâo mâo jăk hŏng klei đĭ kyar pral, lehanăn kjăp mơ̆ng tar rŏng lăn mơ̆ng hrue anei. Việt Nam ƀuăn srăng jih ai tiê mđrăm mbĭt mkŏ mjing klei êđăp ênang tar rŏng lăn, mđĭ kyar hŏng klei mtăp mđơr, kyua klei hdĭp trei mđao, jăk mơak kơ anak mnuih./.