VOV4.Êđê- Hruê 11/7/2022, Anôk bruă bi ala Japon ti Việt Nam pŏk leh hră čang ênuh bi hdơr kơ ayang Khua knŭk kna hđăp Japon Shinzo Abe. Khua gĭt gai Đảng Nguyễn Phú Trọng mơĭt leh kwang mnga čang Khua hđăp Đảng ngă phŭn êngiê, ayang Khua knŭk kna hđăp Japon Shinzo Abe. Khua lăn čar Nguyễn Xuân Phúc leh anăn Khua knŭk kna Phạm Minh Chính bi ala kơ khua gĭt gai gưl dlông Việt Nam nao čang, čih hră čang ti Anôk bruă bi ala Japon ti Việt Nam.

Khua gĭt gai gưl dlông Việt Nam bi êdah klei năng hơưi prŏng prĭn leh anăn mơĭt klei bi juh mơ̆ng Đảng, Knŭk kna leh anăn mnuih ƀuôn sang Việt Nam truh kơ Đảng ngă phŭn êngiê, Knŭk kna, mnuih ƀuôn sang Japon leh anăn gŏ sang ayang Khua knŭk kna Shinzo Abe. Khua gĭt gai gưl dlông Việt Nam bi êdah klei čang hmăng khua gĭt gai, mnuih ƀuôn sang Japon leh anăn gŏ sang Shinzo Abe hnưm hgao klei dleh dlan, luič liê prŏng anei; čang hmăng dua ala čar kriê pioh leh anăn mđĭ kyar hĭn klei bi hgŭm jăk siam Việt Nam-Japon./.

                                               Pô mblang: H’Zawut Ƀuôn Yă