Dua tĭng bi êdah klei m’ak kơ boh tŭ jăk siam mŏng Klei bi trông gưl dlông plah wah Khua gĭt gai Nguyễn Phú Trọng lehanăn Khua gĭt gai China Tập Cận Bình.

Trương Thị Mai lehanăn Thái Kỳ sa blư̆ dơ̆ng mñă klă klei đĭ kyar klă sĭt, jăk siam lehanăn kluôm mơ̆ng dua Đảng, dua ala čar hlăm djăp mta ra bruă, bi trông êlam kơ boh klei lehanăn klei bi mjĕ mơ̆ng dua Đảng, dua ala čar, mđing kơ dŭm hdră êlan, hdră msir phŭn kñăm mđĭ klei thâo săng mơ̆ng dua Đảng, dua ala čar; dua tĭng tŭ ư mđĭ hĭn boh tŭ klei bhiăn bi hgŭm, mtrŭt mđĭ hdră bi mjĕ hlăm Anôk bruă kƀĭn ala, Knŭk kna, Mặt trận; mđĭ hdră bi hgŭm hlăm bruă lĭng kahan, răng mgang klei êđăp ênang, bruă duh mkra, mnia mblei, duh bi liê, bi hgŭm hdră duh mkra 2 ala čar ƀrư̆ hruê h’ĭt kjăp hĭn./.