VOV4.Êđê- Hruê 12/1, Khua hlăm Phŭn bruă kđi čar, Khua hlăm anôk kiă kriê bruă Đảng Võ Văn Thưởng nao čhưn, mđup brei mnơ̆ng ƀri gưl Têt Djuê ana Nhâm Dần kơ gŏ sang knŭk kna dlăng ba, mnuih mâo bruă tŭ dưn ti Bắc Kạn. Ti kdriêk Chợ Đồn, Khua hlăm Phŭn bruă kđi čar, Khua hlăm anôk kiă kriê bruă Đảng Võ Văn Thưởng nao čuă êmuh, mđup brei mnơ̆ng kơ Triệu Văn Vấn – 97 thŭn, ti alŭ Nà Tẳng, să Lương Bằng lehanăn mđup brei 200 hnư mnơ̆ng kơ mnuih mâo bruă tŭ dưn, gŏ sang knŭk kna dlăng ba ti kdriêk Chợ Đồn.

Mă bruă hŏng Anôk kiă kriê bruă Đảng čar Bắc Kạn, Khua hlăm Phŭn bruă kđi čar, Khua hlăm anôk kiă kriê bruă Đảng Võ Văn Thưởng bi mni kơ dŭm boh tŭ dưn Bắc Kạn mâo leh hlăm bruă duh mkra, ala ƀuôn, bi hrŏ ƀun, mđing kriê dlăng klei hdĭp mnuih ƀuôn sang ăt msĕ mơh hlăm hdră mkŏ mkra Đảng wưng êgao mbĭt anăn mtă kơ Bắc Kạn lŏ dơ̆ng mđĭ lar dŭm klei găl mâo hlăm hdră mđĭ kyar bruă duh mkra ala ƀuôn./.

Pô mblang: H’Nêč Êñuôl