VOV4.Êđê- Aguah mbruê 17/1, ti čar Quảng Ngãi, Võ Văn Thưởng, khua hlăm phŭn bruă kđi čar, khua hlăm êpul bruă Đảng mbĭt hŏng êpul ngă bruă mơ̆ng gưl dlông mâo leh klei nao čuă, hơêč hmưi tết kơ phung khua gĭt gai, khua gĭt gai êlâo čar Quảng Ngãi hlăm dŭm gưl. Mđup brei hnư mnơ̆ng tết kơ dŭm gŏ sang lĭng kahan djiê êngiă, gŏ sang mâo klei đru mguôp cách mạng, kahan êka, phung lĭng kahan jhŏng ktang leh anăn gŏ sang ƀun ƀin ti kdriêk Minh Long.

Blŭ hlăm klei bi tuôm, Khua hlăm êpul bruă Đảng Võ Văn Thưởng yap yuôm bhăn dŭm klei blŭ đru mguôp mơ̆ng phung khua gĭt gai čar Quảng Ngãi hlăm dŭm gưl, đru mguôp hlăm bruă mkŏ mjing leh anăn đĭ kyar alŭ wăl, ala čar. Khua hlăm êpul bruă Đảng Võ Văn Thưởng mâo klei đăo knang, hŏng klei bi mguôp, klei gĭr mơ̆ng bruă Đảng čar, bruă sang čư êa leh anăn dŭm gưl mnuih ƀuôn sang, čar Quảng Ngãi srăng mâo lu klei êdah kdlưn hĭn hlăm hruê mmông kơ anăp.

Pô mblang: Y-Khem Niê