VOV4.Êđê- Lŏ dơ̆ng klei nao čuă leh anăn hơêč hmưi tết kơ bruă Đảng čar, bruă sang čư êa leh anăn mnuih ƀuôn sang čar Quảng Ngãi, tlam mbruê 17/1, khua hlăm êpul bruă Đảng Võ Văn Thương mbĭt hŏng êpul ngă bruă mơ̆ng gưl dlông nao hgŭm hơ̆k mơak leh hŏng hdră “Tết bi hgŭm – yan mnga êđăp ênang thŭn 2022” leh anăn mđup brei hnư mnơ̆ng tết kơ dŭm êpul čô mnuih mă bruă ti anôk bruă tuh tia VSIP Quảng Ngãi, ti să Tịnh Phong, kdriêk Sơn Tịnh. Bi tuôm, hơêč hmưi tết kơ phung knuă druh, mnuih mă bruă ti knơ̆ng bruă kar êa pui Bình Sơn, anôk bruă duh mkra Dung Quất. Hluê anăn, bruă công đoàn dŭm gưl đru brei leh kơ giăm 65 čô đoàn viên hŏng ênoh prăk êbeh 19 êklai prăk, iêo mthưr, đru kơ 700 čô đoàn viên, mnuih mă bruă, đoàn viên êpul trah mă kan hŏng ênoh 700 êklăk prăk, mđup brei 25 boh sang klei khăp hŏng ênoh êbeh 1 êklai prăk.

Pô mblang: Y-Ƀel Êban