VOV4.Êđê -  Aguah mbruĕ (28/7), Võ Văn Thưởng, Khua hlăm êpul kiă kriê bruă Đảng gưl dlông, lehanăn Êpul ngă bruă mơ̆ng gưl dlông mâo leh mmông mă bruă hŏng Êpul khua kiă kriê bruă Đảng čar Bình Định.

Tui si klei hâo mdah hlăm dua thŭn êgao, čar Bình Định bi ksiêm duah, hriăm mjuăt, hâo hưn lehanăn hlue ngă Hdră mtrŭn klei bi kƀĭn prŏng Đảng kluôm ala gưl 13. Kluôm čar mkŏ mjing leh 507 boh adŭ hriăm kơ klei anei, mâo êbeh 65 êbâo čô knuă druh, đảng viên nao hriăm djăp truh 98%. Ti anôk mă bruă Võ Văn Thưởng mtă hlăm wưng kơ anăp čar Bình Định lŏ dơ̆ng tui ngă, hriăm mjuăt djŏ hŏng hdră mtrŭn, hlăm anăn mđing hĭn kơ bruă kiă kriê phung đảng viên hlăm alŭ wăl./.

Y-Khem pô mblang