VOV4.Êđê - Hlăm klei nao čhưn Dhŭng Korea mơ̆ng êpul khua prŏng Đảng Cộng sản Việt Nam, mâo Khua hlăm êpul kiă kriê bruă Đảng gưl dlông Võ Văn Thưởng, lehanăn êpul mâo leh klei bi blŭ hrăm hŏng Han Duck-soo, Khua knŭk kna ala čar Dhŭng Korea.

Võ Văn Thưởng bi êdah djăp hdră êlan mơ̆ng pô hlăm klei bi mguôp dua ala čar, hlăm anăn mđĭ hĭn klei bi mjĕ êrô phung khua prŏng dua ala čar, hyuă kjăp bruă bi mguôp plah wah Đảng Cộng sản Việt Nam hŏng dŭm đảng phŭn ti Dhŭng Korea, pŏk mlar klei hgŭm hŏng dŭm phŭn dhar bruă, alŭ wăl, bi mguôp phung ƀuôn sang, bi đru kơ kdrăp mă bruă mrâo mrang, lehanăn mđĭ kyar bruă tuh tia, mđĭ bruă bi mnia mblei dua ala čar, hlue hŏng hdră bi kna, pŏk klei hgŭm mnuih ngă bruă, mđing truh kơ mnuih Việt Nam./.

Y-Khem pô mblang