Blŭ hrăm ti anôk mă bruă Nguyễn Xuân Thắng mñă, Khánh Hoà jing leh anôk yuôm bhăn kơ bruă duh mkra, jing čar mâo kdriêk plao ksĭ Trường Sa; mâo lu klei găl kơ bruă mđĭ kyar, jing mbah đuĕ nao hlăm êa ksĭ, jing anôk mkŏ hŏng lăn dap kngư hŏng krĭng hang ksĭ kwar krah truh hŏng ala tač êngao.

Nguyễn Xuân Thắng mta kơ anôk bruă Đảng, bruă sang čư̆ êa lehanăn mnuih ƀuôn sang čar Khánh Hòa lŏ dơ̆ng mâo klei mĭn knhêč mđĭ kyar pral bruă duh mkra, anăn jing klei duh mkra mơ̆ng êa ksĭ jing atur, ngă bruă hiu čhưn ênguê jing mta phŭn, mđĭ kyar jih jang bruă kdrŭn ksĭ, msĕ si kplang Vân Phong, ƀuôn prŏng Nha Trang lehanăn alŭ wăl kplang Cam Ranh.