Tlam mbrue 19/06, Khua kiă kriê anôk bruă hâo hưn gưl Nguyễn Trọng Nghĩa djă akŏ êpul ngă bruă mơ̆ng anôk bruă kiă kriê klei hâo hưn gưl dlông nao hơêč hmưi, mă bruă hŏng phung khua kiă kriê, mnuih ngă bruă ti sang mđung asăp blŭ Việt Nam (VOV) ƀri bi hdơr 98 thŭn hrue bruă klei mrâo Cách mạng Việt Nam (21/6).

Bi myuôm VOV jing sa hlăm dŭm anôk bruă klei mrâo, mâo leh lu klei bi mlih prŏng hlăm bruă hâo hưn, mâo mđung leh hdră mđung asăp VOV luôm jih lăn čar, plao ksĭ êa ksĭ, truh hŏng mnuih ƀuôn sang djăp djuê ana ti knông lăn, ti krĭng taih kbưi hĭn, lehanăn mơ̆ng mnuih Việt nam drei ti ala tač êngao, lehanăn Nguyễn Trọng Nghiã lŏ mñă: Ya mta bruă mâo ngă leh jăk hlăm hdră êlan mđung asăp hlăm kluôm krĭng lăn dap kngư jing jăk snăk. Kyuanăn yơh amâo mâo djŏ knŏng jing pioh kơ klei kưt muiñ ƀiădah lŏ bi hâo hưn kơ dŭm bruă čuăn kơ bruă răng mgang lăn čar, bi klă klei dưi êngiê kơ drei, klei dŏng đru mnuih mâo klei truh, lehanăn lu boh klei mkăn... Čăng hmăng kơ jih jang mnuih ngă bruă păn kjăp hdră êlan pô./.