VOV4.Êđê - Tlam mbrue (6/10), ti Hà Nội, Êpul khua bi ala Đảng drei mâo Lê Hoài Trung, Khua kiă kriê bruă hŏng tač êngao gưl dlông djă akŏ nao ti anôk bi kƀĭn hgŭm lu Đảng hŏng tač êngao mâo Đảng ala čar Russia hluh lir mkŏ mjing ti Sakhainsk. 

Blŭ hrăm ti anôk bi kƀĭn, Lê Hoài Trung lač kơ dŭm hdră êlan mđĭ kyar kjăp ti Việt Nam, bi mklă hdră êlan mđĭ kyar Việt Nam mđrĭng hŏng klei mđĭ kyar tar rŏng lăn, thâo ba yua djŏ guôp jih jang klei găl Việt Nam mâo, hŏng hdră êlan rŭ mdơ̆ng yang ƀuôn ngă phŭn êngiê “Phung ƀuôn sang mdrŏng sah, ala čar ktang kjăp, hnŭk êngiê, mtăp mđơr, kreh dhar”, bi trông kơ dŭm hdră kñăm, pioh mđĭ hĭn klei hgŭm hŏng tač êngao kyua klei mđĭ kyar kjăp, mâo klei êđăp ênang kơ wăl hdĭp mda, lehanăn hgŭm mbĭt plah wah dŭm Đảng bruă kđi čar./.

VOVTâyNguyên/ Pô mblang: Y-Khem Niê