VOV4.Êđê -  Aguah mbruê, Trần Cẩm Tú, khua hlăm bruă kđi čar, khua bruă Đảng gưl dlông, khua kiă kriê dhar bruă ksiêm dlăng gưl dlông mbĭt hŏng êpul ngă bruă mâo leh klei nao čuă, hơêč hmưi tết, mđup brei hnư mnơ̆ng kơ êpul ba anăp bruă gang mkhư̆ klei ruă tưp Covid-19 čar Quảng Bình, nao čuă êmuh leh anăn mđup brei hnư mnơ̆ng kơ dŭm gŏ sang knŭk kna dlăng ba, gŏ sang ƀun ƀin hlăm alŭ wăl. Trần Cẩm Tú, khua kiă kriê dhar bruă ksiêm dlăng gưl dlông yap yuôm bhăn dŭm klei đru mguôp mơ̆ng jih jang phung knuă druh, phung mă bruă mdrao mgŭn, lĭng kahan, phung ba anăp bruă gang mkhư̆ klei ruă tưp Covid-19 amâo uêñ kơ klei suăi êmăn, găn leh dŭm klei dleh dlan, kƀah lu mnơ̆ng dhơ̆ng čiăng gang mkhư̆ klei ruă tưp Covid-19. Wưng anei, Trần Cẩm Tú mđup brei leh hnư mnơ̆ng tết kơ êpul ba anăp bruă gang mkhư̆ klei ruă tưp Covid-19, gŏ sang ƀun ƀin, gŏ sang knŭk kna dlăng ba, phung mă bruă ti să Quảng Đông, kdriêk Quảng Trạch, čar Quảng Bình.

Y-Ƀel pô mblang