Nao čuă, hơêč hmưi tết êpul bi ala bruă kƀĭn ala čar Dak Lak, Khua kiă kriê êpul gơ̆ng djuê ana Y Thanh Hà Niê Kđăm pah mni klei gĭr mơ̆ng Êpul bi ala bruă kƀĭn ala čar Dak Lak hlăm bruă bi leh dŭm bruă klam, klei mă bruă hlăm thŭn 2023. Mbĭt anăn, Khua kiă kriê êpul gơ̆ng djuê ana ăt hâo hưn kơ dŭm mta bruă knuă mơ̆ng Bruă kƀĭn ala leh anăn Êpul gơ̆ng bruă djuê ana hlăm wưng êgao leh anăn mñă klă, hlăm thŭn 2024, Êpul bi ala bruă kƀĭn ala čar Dak Lak lŏ dơ̆ng hluê ngă jăk dŭm bruă klam dưi jao kơ pô, mđĭ hnơ̆ng tŭ jăk, ai dưi ngă bruă mơ̆ng phung bi ala mnuih ƀuôn sang, ba klei blŭ mơ̆ng mnuih ƀuôn sang truh giăm hĭn hŏng Bruă kƀĭn ala.

Ƀri wưng anei, hŏng klei iêô mkrum mơ̆ng dŭm knơ̆ng bruă, Khua kiă kriê êpul gơ̆ng djuê ana mđup brei leh kơ Dhar bruă mặt trận čar Dak Lak 250 êklăk prăk čiăng mđup brei hnư mnơ̆ng kơ dŭm gŏ sang mnuih djuê ƀiă dleh dlan ti alŭ wăl ƀri wưng Tết Nguyên đán Giáp Thìn 2024.