Hlăm klei bi kƀĭn, lu ƀĭng lŏ hma kčah klei êmuh hŏng khua gĭt gai čar Dak Nông, boh phŭn kƀĭn lu kơ klei dleh dlan hlăm ênoh bi liê, hdră êlan brei čan, hdră êlan lăn ala, bruă čuăl mkă lăn mkra mjing, bruă bi hgŭm 4 boh sang kñăm msir mgah boh klei “djŏ yan boh mnga ƀiădah luč ênoh, ênoh yuôm ƀiădah amâo mâo djŏ yan”.

Kah mbha hŏng ƀĭng lŏ hma, Hồ Văn Mười, Khua Knơ̆ng bruă sang čư̆ êa čar Dak Nông brei thâo, hlăm dŭm thŭn êgao, bruă lŏ hma čar mđĭ kyar kluôm, lŏ dơ̆ng jing bruă klam 1 hlăm 3 mta phŭn bruă duh mkra. Mbĭt anăn bi mklă, čar lŏ dơ̆ng bi trông, pŏk ngă hrăm mbĭt bruă klam, hdră msir, mkra mlih, mbŏ klei bhiăn ruh mgaih klei dleh dlan, gun kpăk, mjing klei găl duh bi liê đru kơ ƀĭng lŏ hma./.