Khua knơ̆ng bruă sang čư̆ êa čar Lâm Đồng mtă mđĭ hĭn bruă mdrơ̆ng hŏng klei yan adiê ngă
Thứ tư, 10:20, 05/07/2023
VOV TAYNGUYEN
VOV TAYNGUYEN
VOV4.Êđê- lam mmăt mbrue 4/7, Khua knơ̆ng bruă sang čư̆ êa čar Lâm Đồng mâo leh asăp mtrŭn kơ êpul kiă kriê bruă mdrơ̆ng hŏng klei yan adiê ngă, khua anôk bruă lehanăn knơ̆ng bruă sang čư̆ êa dŭm boh kdriêk, ƀuôn prŏng hlăm čar čŏng mâo dŭm hdră mdrơ̆ng hŏng klei yan adiê ngă, đru răng mgang klei hdĭp lehanăn ngăn dŏ mnuih ƀuôn sang.
Čiăng dưi ngă jih jang klei anăn, boh nik hlăm yan hjan hlĭm angĭn êbŭ thŭn 2023, Khua knơ̆ng bruă sang čư̆ êa čar Lâm Đồng mtă kơ jih jang djăp êpul bruă mâo mtam bruă ngă.
Hŏng klei kjăp, klei ktang, mă bruă djŏ hŏng klei Êpul khu a kiă kriê bruă Đảng čar gĭt gai, mbĭt hŏng lu asăp mtrŭn mơ̆ng knơ̆ng bruă sang čư̆ êa mâo mtrŭn leh êlâo anăn. Brei mâo klei răng sĭt hlăm bruă mdrơ̆ng hŏng klei yan adiê ngă lehanăn tui duah mnuih luič./.
Viết bình luận