Tŭ klei iêo jak mơ̆ng Khua knŭk kna Phạm Minh Chính, Khua knŭk kna Australia Anthony Albanese srăng hriê čuă ala čar Việt Nam mơ̆ng hruê 03-04/6/2023. Anei jing gưl hriê čuă Việt Nam tal êlâo mơ̆ng Anthony Albanese hŏng bruă klam Khua knŭk kna Australia. Việt Nam leh anăn Australia mkŏ mjing leh klei mjĕ giăm mâo hŏng anei 50 thŭn, hlăk mlan 2/1973.

Găn 50 thŭn, klei mjĕ giăm 2 ala čar mâo klei đĭ kyar jăk, boh nik jing ƀĭng hgŭm bi mguôp hdră êlan ti 5 thŭn êlâo dih. Gưl hriê čuă Việt Nam tal anei mơ̆ng Khua knŭk kna Australia Anthony Albanese jing gưl hriê čuă tal 3 truh kơ Việt Nam mơ̆ng sa čô Khua knŭk kna Australia. Pô bi ala Việt Nam ti Australia Nguyễn Tất Thành mñă klă, gưl hriê čuă anei brei ƀuh knŭk kna Công đảng mơ̆ng Khua knŭk kna Albanese dlăng yuôm bhăn leh anăn čiăng mtrŭt mđĭ klei mjĕ giăm hŏng Việt Nam.