Blŭ hrăm hlăm klei kƀĭn, Khua knŭk kna Phạm Minh Chính mñă brei kñăm hluê ngă gưl trŭn kơ bruă bi leh dŭm bruă klam mâo. Hŏng hdră êlan, mđĭ hĭn, hur har, gĭr ktưn, tŭ dưn, amâo mâo kbưi hŏng mnuih ƀuôn sang, bi mlih mrô, mâo boh tŭ dưn. Khua knŭk kna Phạm Minh Chính lač hlăm klei gĭt gai srăng mâo klei jhŏng, klei thâo mĭn, mbruă, tŭ dưn. Hlăm dŭm bruă klam kñăm, Khua knŭk kna mñă brei mprăp klă dŭm mta phŭn đru kơ klei kƀĭn trông gưl dlông 13 leh anăn klei kƀĭn tal 10, Bruă Kƀĭn Ala gưl 15.

Mđing bi hơĭt bruă duh mkra, ksiêm dlăng prăk luč ênoh, rơ̆ng kơ klei bi kna bruă duh mkra leh anăn mtrŭt mđĭ klei đĭ kyar. Khua knŭk kna mñă brei ksiêm dlăng boh sĭt, rơ̆ng bi hơĭt anôk mnia mblei, ênoh ênil, boh nik dŭm mta mnơ̆ng kyua knŭk kna ksiêm dlăng. Mtrŭt mđĭ klei ba yua hlăm lăn čar, mđĭ hĭn anôk mnia mblei hlăm lăn čar. Hluê ngă tŭ dưn gru hmô bruă sang čư̆ êa alŭ wăl 2 gưl.