VOV4.Êđê - Hruê mbruê 15/7, Khua knŭk kna Phạm Minh Chính jao leh klei bi klă mơ̆ng Êpul khua bruă Đảng phŭn bruă mdrao mgŭn leh anăn bi klă jao kơ Aduôn Đào Hồng Lan – khua hlăm bruă Đảng gưl dlông, Khua êpul bi ala bruă kƀĭn ala čar Bắc Ninh klam ngă khua phŭn bruă mdrao mgŭn. Bi ala kơ phung khua gĭt gai Đảng, knŭk kna, Khua knŭk kna hơêč hmưi kơ Aduôn Đào Hồng Lan mâo leh Phŭn bruă kđi čar, Êpul khua bruă Đảng gưl dlông, knŭk kna đăo knang jao klam ngă bruă anei.

Hŏng bruă klam mâo lu klei lông dlăng anei, Khua knŭk kna đăo knang aduôn Đào Hồng Lan srăng dưi bi lar klei thâo, klei găl pô, mbĭt hŏng êpul khua bruă Đảng, khua gĭt gai phŭn bruă, êpul êya knuă druh, phung mă bruă lŏ bi lar knhuah jăk siam mơ̆ng bruă mdrao mgŭn, amâo mâo mdei klei gĭr ktưn, mgaih msir klei dleh dlan, dưi găn klei lông dlăng, bi leh jăk bruă klam mơ̆ng Đảng, knŭk kna leh anăn mnuih ƀuôn sang jao leh.

Y-Ƀel pô mblang