Hlăm anăn mâo dŭm anôk mdrao mgŭn gưl krĭng, mlir čar leh anăn mlir dhar bruă hlăm bruă ksiêm mkă, mdrao mgŭn, kơrŭ wĭt bruă klam; ksiêm mkă mdrao mgŭn leh anăn ai tiê klei mĭn; bruă gang mkhư̆ mdrao mgŭn, mdrao mgŭn êpul êya, ksiêm dlăng êa drao, mnơ̆ng ƀơ̆ng, vaccin leh anăn kdrăp mdrao mgŭn, bruă ênoh mnuih ƀuôn sang - klei ƀă kkiêng anak.

 Hdră kčah gĭr ktưn truh thŭn 2025 mâo 33 jhưng đih mdrao hlăm êbeh 10 êbâo čô mnuih ƀuôn sang, 15 čô aê mdrao hlăm êbeh 10 êbâo čô mnuih ƀuôn sang, 3,4 čô hlăm bruă kăp mă êa drao hlăm êbeh 10 êbâo čô mnuih ƀuôn sang leh anăn 15 čô kăp đru mdrao mgŭn hlăm êbeh 10 êbâo čô mdrao mgŭn. Hnơ̆ng trah dlăng truh thŭn 2050, mkŏ mjing dŭm anôk mdrao mgŭn mrâo mrang bi knar hŏng lu ala čar. Mkŏ mjing bruă mkra mjing êa drao hlăm kluôm ala jing anôk bruă mkra mjing êa drao mâo ênoh yuôm. Gĭr ktưn mâo 45 jhưng đih mdrao hlăm êbeh 10 êbâo čô mnuih ƀuôn sang, 35 čô aê mdrao hlăm 10 êbâo čô mnuih ƀuôn sang, 4,5 čô kăp mă êa drao, 90 čô kăp đru mdrao mgŭn hlăm 10 êbâo cô mnuih ƀuôn sang; ênoh jhưng đih mdrao êngao knŭk kna mâo 25% ênoh jhưng đih mdrao.