Khua knŭk kna lač, hlăm tar rŏng lăn “klei duh mkra kô̆” hlăk dôk găn jing klei duh mkra djŏ tuôm hŏng mnuih khua thŭn jing leh hdră êlan amâo mâo dưi tlaih ôh. Grăp thŭn dlông rŏng lăn mâo truh 58 êklăk čô mnuih čhuang hlăm thŭn mduôn. Ti Việt Nam, ênoh mnuih mduôn khua đĭ pral mơh. Tĭng truh mlan  3/2023 kluôm ala mâo leh giăm 17 êklăk čô mnuih mduôn khua, boh sĭt anei jing klei lông dlăng prŏng, lehanăn klei găl msĕ mơh hlăm hdră êlan mđĭ kyar kjăp lăn čar.

Khua knŭk kna lač, gưl dlông hlăk dôk mkŏ mjing hdră êlan bruă duh mkra kô̆ ti Việt Nam kñăm mđĭ hĭn klei thâo đru, lehanăn rông ba mnuih khua thŭn, dưn yua klei găl mơ̆ng mnuih khua thŭn đru kơ bruă mđĭ kyar klei duh mkra ala ƀuôn. Hŏng klei dôk čiăng ară anei, khua knŭk kna lač, brei jih jang mnuih thâo săng hŏng mnuih mduôn khua amâo mâo djŏ jing klei ktrŏ ôh, ƀiădah lŏ jing boh kdrŭt yuôm bhăn pioh mđĭ kyar klei duh mkra.