Blŭ hrăm ti knăm anei, Khua knŭk kna Phạm Minh Chính lač klă: Mơ̆ng ară anei truh kơ Klei kƀĭn bi lông ktưn khăp kơ ala čar tal XI dôk 1 mlan, bruă dôk lu, klei čiăng lu, čang hmăng phung khua hlăm Êpul hgŭm brei klei pah mni pioh hruê mmông, ai tiê, klei thâo hluê ngă kjăp bruă kčah jao.

klă bruă ruah anăn knăl Pô mă bruă jhŏng ktang, Pô djă phao ktuang yang ƀuôn jhŏng ktang hŏng dŭm êpul, mnuih mâo boh tŭ êdah kdlưn msĕ si: Hlăm hdră gang mkhư̆ klei ruă Covid 19, răng mgang klei êđăp ênang ala čar, dŭm hdră bi ktưn, duh bi liê mđĭ kyar anôk bruă nah gŭ phŭn; msir lăm sang dôk êjai, sang tĭ ƀrôč, hdră đru kơ ala ƀuôn, mjuăt ktang asei mlei, dhar kreh, gang mkhư̆ klei adiê hjan êa lip, bruă kreh knhâo mrâo mrang, bi mlih mrâo, bi mlih mrô. Khua knŭk kna mtă amâo lui dŭm gru mngač êdah êdi lehanăn mñă” Mpŭ mni kơ dŭm gru mngač jing mpŭ mni kơ boh tŭ yuôm djuê ana”.