Jao hră pah mni kơ dŭm êpul êya lehanăn mnuih hlăm Êpul ngă bruă mơ̆ng Lĭng kahan lehanăn kahan ksiêm nao hlăm hdră đru msir mghaih klei truh kyua klei mgei lăn ngă ti Myanmar, Khua knŭk kna Phạm Minh Chính lač snei, bruă ba êpul nao đru kơ mnuih mâo klei truh kyua klei mgei lăn ngă ti Myanmar mâo boh tŭ yuôm bhăn, bi êdah klei thâo bi đru, kơhưm mơ̆ng ala čar, ba asăp hưn mthâo kơ lăn čar, anak mnuih Việt Nam jĕ giăm, thâo bi khăp, bi đru mbĭt anăn mñă klă kơhưm, klei thâo mơ̆ng Việt Nam hlăm bruă msir mghaih mâo klei đua klam dŭm mta bruă mâo tar rŏng lăn, mprăp hgŭm kngan msir mghaih dŭm klei lông dlăng, dleh dlan.

Khua knŭk kna ăt bi mklă, thŭn 2025 lehanăn hlăm wưng ti anăp, dŭm klei lông dlăng boh nik klei truh mơ̆ng yan adiê ngă, dŭm klei truh jhat mâo hlăm tar rŏng lăn lehanăn krĭng wăl ƀrư̆ hruê ƀrư̆ mâo dleh dưi ksiêm dlăng; lehanăn hlăm ala čar, klei êa lip lêč, klei trŏ kma msĭn, klei klưh hroh lăn… mâo ƀrư̆ hruê ƀrư̆ lu, kyua anăn brei mâo hdră mprăp kñăm rơ̆ng kjăp klei êđăp ênang kơ mnuih ƀuôn sang./.