Čih yap ti lu alŭ wăl brei ƀuh, mnuih ƀuôn sang, boh nik mnuih djuê ƀiă, tŭ ư, sa ai leh anăn čang hmăng hlăm klei mlih mrâo leh klei bi mŭt. Y Rul Niê ti ƀuôn Pôč A, kdriêk Čư̆ M’Gar bi êdah: “Wăt tơdah găn êrô dleh dlan hĭn, ƀiădah knuă druh brei mâo klei thâo, klei gĭr snăn srăng tŭ jing”. Amâo djŏ knŏng čang hmăng ti gưl să ôh, mnuih ƀuôn sang lŏ đăo knang kơ klei bi mŭt srăng mjing hnơ̆ng đĭ kyar mlih krĭng.

Ayŏng Huỳnh Trần Minh Đức (ƀuôn prŏng Ƀuôn Ama Thuôt) bi mklă: “Tơdah Dak Lak bi mŭt hŏng Phú Yên, bruă duh mkra êa ksĭ bi mguôp hŏng bruă lŏ hma Lăn dap Kngư srăng mjing krĭng ktang, mđĭ bruă mnia blei, logistics”. Bruă mkŏ dăp, bi mŭt jing knhuang yuôm bhăn kñăm bi khuăt, tŭ dưn êpul mă bruă knŭk kna. Klei sa ai leh anăn klei mnuih ƀuôn sang đăo knang jing boh kdrŭt đru kơ bruă sang čư̆ êa pŏk ngă tŭ jing hdră êlan anei, đru mđĭ kyar hơĭt kjăp lăn čar.