Khua knŭk kna lač hlăm klei ñu kma hŏng ala tač êngao, hlăm anăn mâo klei bi hgŭm bruă duh mkra, Việt Nam dlăng yuôm klei bi hgŭm, lehanăn WTO đru. Khua knơ̆ng kiă kriê WTO – Ngozi Okonjo-Iweala lač Việt Nam jing sa klei bi hmô kơ klei tŭ jing hlăm bruă thâo čŏng kpưn đĭ hlăm klei duh mkra ala ƀuôn.

Kơ klei khua knŭk kna mđing, Khua knơ̆ng kiă kriê WTO hưn mthâo mrâo anei mâo leh sa êpul thơ̆ng kơ bruă mơ̆ng dhar bruă kiă kriê Ơrôp mă bruă hŏng WTO, mđing hmư̆ jih jang klei blŭ mơ̆ng dŭm lăn čar hlăk đĭ kyar, lehanăn WTO mâo leh klei iêo mthưr đru kơ hdră mă bruă. Khua knơ̆ng kiă kriê hưn hlăm knhal jih mlan 2/2024 srăng mâo klei bi kƀĭn gưl khua phŭn bruă mơ̆ng WTO kơ bruă kuôl kă klei doh êƀăt mnơ̆ng ƀơ̆ng, lehanăn klei ksiêm kơ mnơ̆ng rông - SPS lehanăn čang hmăng kơ Việt Nam nao hgŭm hlăm bruă anei./.