VOV4.Êđê- Khua knŭk kna bi mklă brei mdei bruă hŏng Khua anôk bruă sang čư̆ êa čar Gia Lai Võ Ngọc Thành lehanăn ƀuah mkra phung K’iăng khua anôk bruă, mâo: Đỗ Tiến Đông, Hồ Phước Thành, Kpă Thuyên lehanăn K’iăng khua anôk bruă hđăp Nguyễn Đức Hoàng. K’iăng khua knŭk kna Phạm Bình Minh hưn leh Klei bi mklă mơ̆ng Khua knŭk kna hlăm bruă lui ngă Khua anôk bruă sang čư̆ êa čar Gia Lai wưng thŭn 2021-2026 lehanăn lui k’hưm jing Khua anôk bruă sang čư̆ êa čar wưng thŭn 2016-2021 hŏng Võ Ngọc Thành kyua klei ngă soh hlăm hdră mă bruă lehanăn Anôk kriê dlăng bruă Đảng hluê ngă leh klei ƀuah mkra.

Anôk kriê dlăng bruă Đảng ăt ƀuah mkra phung khua knuă Đảng hlăm Anôk bruă sang čư̆ êa čar Gia Lai wưng thŭn 2016-2021. Êlâo anăn, ti Klei bi kƀĭn tal 18 mkŏ mjing hlăm hruê 10 lehanăn 11/8/2022, Dhar bruă ksiêm dlăng gưl dlông ƀuah mkra leh phung ngă soh djŏ tuôm kơ hdră bruă mkra tač hlăp golf Đắk Đoa ti Gia Lai./.

                        Pô mblang: H’Nêč Êñuôl