Ti anôk drông, Khua knŭk kna Phạm Minh Chính bi êdah klei mđing kơ klei bi blah ti krĭng Kplang ară anei, čang hmăng mđrăm mbĭt hŏng Qatar đru mguôp sa kdrêč kơ klei êđăp ênang ti krĭng Msăt boh lăn. Khua knŭk kna brei thâo, mâo leh klei bi blŭ hrăm hŏng khua knŭk kna, Khua phŭn bruă hŏng tač êngao Qatar, Việt Nam dôk ktuê mđing klei bi blah ti  krĭng Kplang, lehanăn sa ai hŏng hdră mtrŭn mơ̆ng Êpul hgŭm lu ala čar mtă brei mjưh mdei yơh klei ksŭng ngă kơ dŭm ala čar, lehanăn amâo mâo kñăm hlăm alŭ wăl mnuih ƀuôn sang ôh. Khua knŭk kna Việt Nam jing ala čar tuôm găn leh klei bi blah sui, tŭ klei kăm mkhư̆, mơ̆ng anăn thâo săng klă klei yuôm bhăn mơ̆ng klei êđăp ênang, čang hmăng tui duah klei êđăp ênang mjưh mdei klei bi blah.

Khua knŭk kna Phạm Minh Chính čang hmăng pral mjưh mdei klei bi blah, čiăng kơ dŭm boh sang mkra mjing ti Qatar pral lŏ kơrŭ wĭt bruă knuă, mkra mjing êa pui, êwa čuh. Lŏ mñă čiăng snăk mâo hdră êlan hŏng klei êđăp ênang. Khua knŭk kna čang hmăng kơ Qatar hŏng klei thâo pô đru duh bi liê ti Việt Nam mkra dŭm hjiê mkăp pioh êwa čuh, lehanăn mkăp êwa čuh kơ alŭ wăl./.