VOV4.Êđê - Hlăm klei hriê čuă Việt Nam, aguah mbruê 30/9, ti Hà Nội, Khua knŭk kna Cuba Manuel Marrero Cruz leh anăn k’iăng Khua knŭk kna Lê Minh Khái nao hgŭm leh anăn gĭt gai klei kƀĭn mtrŭt mđĭ klei mnia mbei Việt Nam – Cuba. Hlăm klei kƀĭn, Khua knŭk kna Manuel Marreno Cruz mñă klă: Cuba dôk hlăm wưng mlih mrâo ktang phĭt truh kơ klei krŭ wĭt leh anăn mđĭ kyar bruă duh mkra, hŏng klei mjĕ giăm jăk siam plah wah 2 ala čar, Khua knŭk kna Cuba srăng mdưm tal êlâo hĭn, mkŏ mjing djăp klei găl kơ dŭm knơ̆ng bruă mơ̆ng Việt Nam ti Cuba.

Hlăm klei kƀĭn, lu knơ̆ng bruă 2 ala čar dưi hmư̆ khua phŭn bruă mnia mblei leh anăn duh bi liê ala tač êngao Cuba Rodrigo Malmierca Dias hưn mdah kơ hdră êlan iêo mthưr klei duh bi liê mơ̆ng ala tač êngao ti Cuba leh anăn khua kiă kriê adŭ bruă wăl đĭ kyar Mariel AnaTeresa Igarza Martinez hưn mdah kơ hdră iêo mthưr klei duh bi liê mơ̆ng tač tač êngao ti wăl Mariel leh anăn klei găl bi mguôp bruă mnia mblei 2 ala čar.

Y-Ƀel pô mblang