Khua knŭk kna drông khua gĭt gai Êul grup PowerChina
Thứ năm, 08:00, 22/05/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Aguah 21/5, Khua knŭk kna Phạm Minh Chính drông Châu Gia Nghĩa – Khua krĭng wăl Asi -Pacific mơ̆ng Êpul grup PowerChina hŏng êpul phung rŭ mdơ̆ng dôk mă bruă ti Việt Nam.
Khua knŭk kna bi mni kơ boh tŭ kluôm rŏng lăn mơ̆ng PowerChina, hlăm anăn mâo lu hdră bruă tŭ dưn ti Việt Nam. Khua knŭk kna mñă klă klei bi hgŭm, ƀĭng hgŭm kluôm Việt Nam - China dôk mjing klei găl čiăng kơ anôk bruă duh mkra dua ala čar mđĭ klei bi hgŭm klă sĭt, hdơ̆ng mâo klei tŭ dưn.
Khua knŭk kna čang hmăng PowerChina lŏ dơ̆ng bi liê hlăm bruă msĕ si êa pui êwa čuh doh, anôk bruă nah gŭ, boh nik êlan êdeh treng ƀuôn prŏng, mđing kơ êlan Hải Phòng – Hà Nội – Lào Cai. Khua gĭt gai Châu Gia Nghĩa brei thâo PowerChina rŭ mkra leh 2.000 km êlan êdeh treng dlông rŏng lăn, mâo klei thâo rŭ mkra êbeh 100 hdră bruă ti Việt Nam, srăng bi hgŭm hŏng pă anôk bruă duh mkra Việt čiăng pŏk ngă dŭm ktuê êlan êdeh treng phŭn.
Viết bình luận