VOV4.Êđê- Tlam hruê 18/7, Khua knŭk kna Phạm Minh Chính drông leh Axel van Trotsenburg, Khua gĭt gai Knŏng prăk dlông rŏng lăn (WB). Khua knŭk kna bi mni brưa Khua gĭt gai WB hriê čhưn ti Việt Nam leh anăn dlăng nanao WB jing ƀĭng găp jăk, ƀĭng hgŭm đĭ kyar yuôm bhăn, bi mni kơ WB lu thŭn êgao đru leh klei găl, kčĕ hdră êlan , đru jăk čiăng Việt Nam mđĭ kyar bruă duh mkra- ala ƀuôn Việt Nam. Bi trông kơ dŭm bruă dlông rŏng lăn leh anăn krĭng wăl, Axel tŭ ư hŏng klei mĭn mơ̆ng Khua knŭk kna kơ hdră mă bruă kluôm rŏng lăn, iêô mthưr bi hgŭm, mđĭ klei bi hgŭm lu ala čar lehb anăn klei mĭn lu tĭng, hlăm ai tiê “siă suôr, đăo knang, tŭ dưn”, hŏng dŭm hdră msir djŏ guôp hŏng grăp ala čar mdê mdê čiăng msir mgaih bruă dôk mâo ară anei msĕ si klei ruă tưp, klei bi mlih yan adiê, dŭm bruă klei djăp êa yua, mnơ̆ng ƀơ̆ng huă; hdră hdră anei, Axel lač klei blŭ dŭm ala čar msĕ si Việt Nam jing yuôm bhăn./.

Pô mblang: H’Zawut Ƀuôn Yă