Ti anôk drông, Khua knŭk kna Phạm Minh Chính mâo leh asăp lač jăk mơĭt kơ knŭk kna lehanăn mnuih ƀuôn sang India kơ jih jang bruă jăk mơ̆ng knŭk kna lehanăn mnuih ƀuôn sang India kah leh hŏng khua gĭt gai Đảng Nguyễn Phú Trọng; tiŏ hriê khua prŏng hriê čang ênuh, lehanăn anôk bruă kƀĭn ala India ăt pioh leh mơh mmông ngă klei bi hdơr kơ khua gĭt gai Đảng hlăm hrue 22/7 leh êgao.

Klei anei bi êdah ai tiê klei khăp prŏng prĭn plah wah dua djuê ana Việt Nam lehanan India. Khua knŭk kna Phạm Minh Chính čang hmăng kơ dua ala čar lŏ hyuă kjăp hĭn klei bi hgŭm, atăt klei bi mguôp dua nah đĭ hĭn hlăm dŭm bruă kreh knhâo, bruă dang kông êlan kbưi, bruă kdrăp mrô, lehanăn hlăm dŭm bruă mkăn mâo klei găl, čang hmăng dưi lŏ mđĭ hĭn djăp mta./.