Khua knŭk kna drông khua kiă kriê Hdră Việt Nam ti Havard
Thứ năm, 10:41, 18/07/2024
VOV Tây Nguyên
VOV Tây Nguyên
VOV4.Êđê- Tlam mbruê 17/7, ti anôk bruă knŭk kna, Khua knŭk kna Phạm Minh Chính drông Thomas Vallely, khua kiă kriê hđăp hdră Việt Nam hlăm sang hră gưl prŏng Harvard, Mi, ară anei jing khua kiă kriê êpul gơ̆ng sang hră gưl prŏng Fulbright leh anăn phung thơ̆ng kơ bruă sang hră gưl prŏng Fulbright.
Khua knŭk kna Phạm Minh Chính lač jăk kơ Thomas Vallely mâo lu klei đru mguôp yuôm bhăn, boh nik hlăm bruă mtô mjuăt bi hriăm leh anăn blŭ hrăm hdră êlan, đru ba wĭt boh tŭ dưn hlăm bruă duh mkra leh anăn bi kjăp, mtrŭt mđĭ klei mjĕ giăm Việt Nam – Mi.
Khua knŭk kna mñă kơ nai prŏng Thomas Vallely leh anăn phung thơ̆ng kơ bruă lŏ dơ̆ng đru kơ Việt Nam hlăm bruă kčĕ hdră êlan, ba jao kdrăp mrâo, mtô mjuăt mnuih mă bruă, kah mbha klei hriăm kriê dlăng thâo mĭn, jao kơ dŭm phŭn, dhar bruă leh anăn ƀuôn prŏng Hồ Chí Minh dưn yua mbruă dŭm hdră êlan, mkŏ mjing klei găl kơ phung ƀĭng hgŭm, phung duh bi liê leh anăn sang hră gưl prŏng Fulbright Việt Nam đĭ kyar djŏ hŏng hdră bhiăn lăn čar.
Viết bình luận