VOV4.Êđê - Tlam mbruê, Khua knŭk kna Phạm Minh Chính drông leh Hayashi Nobumitsu, Khua knơ̆ng prăk bi hgŭm quốc tế Japon (JBIC) hriê čhưn, mă bruă ti Việt Nam. Khua knŭk kna mñă, Việt Nam dlăng Japon jing ƀĭng hgŭm phŭn mrô sa, sa ai hŏng Japon đru mguôp kơ klei êđăp ênang, đĭ kyar ti krĭng lehanăn tar rŏng lăn.

Khua knŭk kna akâo kơ Khua knơ̆ng prăk lŏ dơ̆ng bi hgŭm hŏng anôk bruă mơ̆ng Japon mđĭ lar hdră bi hgŭm lŏ krŭ wĭt bruă duh mkra êdei kơ Covid 19, đru Việt Nam mkŏ mkra hdră duh mkra êngiê, ngă phŭn mil pô, pral ñŭ kma tar rŏng lăn ba wĭt boh tŭ dưn klă sĭt. Khua knơ̆ng prăk JBIC tŭ ư hŏng lu klei ba mdah mơ̆ng knŭk kna, hlăm anăn mâo bruă kar êa pui Nghi Sơn; bi mni klei kiă kriê mơ̆ng knŭk kna Việt Nam, Việt Nam krơ̆ng kjăp hdră duh mkra hlăk tar rŏng lăn mâo lu klei bi mlih./.

H’Nêč pô mblang