VOV4.Êđê-  Tlam mbruê, Khua knŭk kna Phạm Minh Chính drông leh Charles Kaye, Khua knơ̆ng prăk tar rŏng lăn Keh duh bi liê Warburg Pincus (Mi). Khua knŭk kna bi mni kơ klei bi mjĕ ƀĭng hgŭm kluôm Việt Nam – Mi lŏ dơ̆ng đĭ kyar, mnia mblei dua nah krơ̆ng kjăp hdră mđĭ kyar jăk siam, mâo giăm 87 êklai USD hlăm 8 mlan akŏ thŭn 2022, đĭ hlăm brô 20% mkă hŏng thŭn 2021.

Mi lŏ jing wăl anôk ba čhĭ mnơ̆ng lu êdi mơ̆ng Việt Nam, hlăk Việt Nam jing ƀĭng hgŭm bruă mnia mblei prŏng tal 9 mơ̆ng Mi hlăm rŏng lăn lehanăn jing ƀĭng hgŭm prŏng êdi ti ASEAN. Khua knŭk kna mtă akâo kơ Warburg Pincus hŏng phung tuê blei yua lu hlăm tar rŏng lăn lŏ jing kdrông mkŏ čiăng phung duh bi luê Mi lehanăn ala tač êngao hriê duh bi liê ti Việt Nam; mbĭt anăn lŏ dơ̆ng pŏk mlar, mđĭ kyar hdră mnia mblei mrâo, boh nik bruă pui kmlă mkra hŏng pil yang hruê, hŏng ai angĭn, mđĭ kyar kdrăp mkra pui kmlă, đru mguôp klei blŭ, đru kčĕ kơ bruă čih mkra hdră mtrŭn hŏng ala čar Việt Nam./.

                                                    Pô mblang: H’Nêč Êñuôl