VOV4.Êđê- Tlam hruê 11/10, Khua knŭk kna Phạm Minh Chính drông leh Juan Ignacio Rubiolo,  K’iăng Khua Êpul grup êa pui êwa čuh AES (Mi). AES jing êpul grup êa pui êwa čuh hlăm 500 knơ̆ng bruă prŏng ti Mi kyua hră klei mrâo Fortune ruah leh anăn jing sa hlăm dŭm knơ̆ng bruă mrô sa dlông rŏng lăn kơ bruă êa pui êwa čuh.  Hlăm mmông drông, Khua Knŭk kna Phạm Minh Chính bi mni kơ klei tŭ duh bi liê mnia blei, dŭm bruă bi hgŭm, đru, akâo kơ hdră êlan mâo klei mkŏ mjing mơ̆ng Êpul grup AES ti Việt Nam hlăm wưng êgao; boh nik hlăm dŭm bruă êa čuh doh kñăm đru mguôp kơ hdră bi mlih mrâo, mđĭng kơ hdră kñăm bi kna carbon hlăm thŭn 2050. Knŭk kna Việt Nam srăng hrăm mbĭt leh anăn đru ruh mgaih klei dleh dlan čiăng dŭm hdră bruă duh bi liê mơ̆ng Êpul grup AES rơ̆ng dưi hlue ngă, tŭ dưn leh anăn bi hgŭm bi liê hơĭt kjăp./.

Pô mblang: H’Zawut Ƀuôn Yă