VOV4.Êđê - Tlam hruê 21/3, Khua knŭk kna Phạm Minh Chính drông leh Manuela V. Ferro, K’iăng khua knơ̆ng prăk tar rŏng lăn WB ksiêm dlăng kơ krĭng Ngŏ Asi lehanăn Parcifik. Khua knŭk kna mñă klă, Việt Nam dlăng WB jing ƀĭng găp sĭt suôr, ƀĭng hgŭm đĭ kyar yuôm bhăn. Việt Nam srăng đru kčĕ hŏng WB lehanăn êpul 6 knơ̆ng prăk đĭ kyar čiăng bi trông kơ dŭm hdră msir kñăm bi leh klei bhiăn, mjêč ruh mtlaih klei gun kpăk plah wah dŭm tĭng kñăm rơ̆ng ngă bruă djŏ hdră kčah. Khua knŭk kna bi mni lehanăn akâo kơ WB lŏ dơ̆ng đru, bi hgŭm tŭ dưn hŏng Việt Nam klei kơ prăk duh bi liê, kdrăp mrâp, klei bhiăn, mnuih mă bruă, hdră mdrơ̆ng hŏng klei bi mlih yan adiê, hluê ngă klei ƀuăn rơ̆ng ti Klei bi kƀĭn COP 26 hluê hdră jih jang mnuih ƀuôn sang, tar rŏng lăn dưi hgŭm mbĭt, rơ̆ng klei bi knar, mtăp mđơr plah wah dŭm ala čar dôk đĭ kyar./.

H’Nêč pô mblang