Leh hmư̆ klei hưn mdah leh anăn klei blŭ mguôp, klah čŭn hlăm klei bi kƀĭn, Khua knŭk kna Phạm Minh Chính lač klă, hnơ̆ng pui kmlă mơ̆ng kdrăp pui kmlă ala čar dưi ba yua jih klei čiăng, amâo kƀah ôh hlăm wưng sui. Khădah snăn, bruă mkăp pui kmlă srăng kƀah hlăm sa anôk leh anăn bhiâo mơ̆ng ară anei truh hruê 25/5, kyua adiê mđiă hlơr hlăm lu anôk.

 Khua knŭk kna gĭt gai dŭm hdră msir êlâo hĭn hŏng klei čiăng mơ̆ng ară anei truh hruê 25/5, amâo brei kƀah pui kmlă kơ bruă mkra mjing, mnia blei leh anăn ba yua. Hlue anăn, Êpul grup hdăng - mnơ̆ng hlăm gŭ lăn Việt Nam leh anăn Knơ̆ng bruă Ngŏ Dưr mkăp djăp ênŭm hdăng kơ sang mkra mjing pui kmlă yua hdăng, ba yua jih hnơ̆ng phŭn mkăp pui kmlă, bi trông hlue si ênoh yap êjai hŏng dŭm hdră bruă pui kmlă êran hŏng ai angĭn, yang hruê bi leh bruă bi liê mkŏ mjing leh anăn dưi ba pui kmlă hlăm êlan klei pui kmlă ala čar./.